التعديلات الدستورية ملوخية بالتقلية وبالهنا والشفا للحرامية الكبار..قوى

التعديلات الدستورية اللى الحكومة بتعملها ليس لها غير أهداف واضحة جدا وألخصها فى نقاط بسيطة
أولا: تزوير الانتخابات لصالح الفاسدين بعيدا عن القضاة الشرفاء
ثانيا: القضاء على أى حرية للمواطنيين بتقنين الدولة البوليسية بقانون الإرهاب
ثالثا:تكميم الأفواه التى تطالب بالاصلاح
رابعا :رئيس الجمهورية مايعجبوش معارضة فى مجلس الشعب يصدر قرار بحله دون إستفتاء
خامسا:ممنوع أى حد يرشح نفسه إلا ديكو فقط وبأدوار مرسومة
سادسا: الشعب ابن ستين فى سبعين احنا نعمل القوانين اللى تخدمنا ونسرق حصيلة الخصخصة ولا نحاسب الوزاراء الفاسدين السابقين زى الوزير والى أو وزير التعمير السابق لأنه هيفضح السبوبة
سابعا الشعب يخبط دماغه فى أطخن حيطة أنتم مش أحسن من القاضى اللى أنضرب بالجزمة ولا أيمن نور المساند دوليا ولا أحسن من السادات اللى أتحبس بالقانون العسكرى علشان طويل اللسان ولا الإخوان اللى أتحاكموا عسكريا واتحجز على فلوسهم ومش أقوى من كل النقابات المغلقة من سنين مـــــــــــــــــــــــــــــــــن الآخر أنتم عبيدإحساننا أيها الشعب الذى لاننتظر منك أى حركة فى الخلا ولا هسة
أنا نفسى ياجماعة نعمل عصيان مدنى نجبر الحكومة(اللى همه موظفين عند الشعب)على سماع صوتنا ويعملوا اللى الناس عايزاه مش اللى الحكومة طبخاه علشان اللى بالى بالك يأكلوا الطبخه حد ممكن يقول إزاى ده يحصل؟